Bollywood star Jacqueline Fernandez-i chuan covid-19 vanga khawvel a buai a, lockdown awm fo atang khan hringnun zirlai pawimawh tak, a innghahna ni chho zel tur zirlai pahnih a zir chhuak tih a sawi.
Hun reilote khawvela kan lo awm ve zawknaah hian hringnun hi a vuivai leh lungnih lohna lam zawnga la lova, khawvela kan cham chhung tawiteah awmze nei leh hlawk taka hman chu a lo pawimawh ber mai, a ti.
“Dik taka sawi chuan, mihring kan nihnaah hian kan lo pawimawh em em hran miah lo mai a, chumi awmzia chu, he leilungah kan lo awm ve mai pawh hi malsawmna dik tak a nih laiin, kan tel lo pawhin khawvel (leilung) hi a awm thei reng a, kan awm lo pawh hian harsatna engmah a nei lo.
“Chuvang chuan, khawvel tana kan inpek nasat a, chenna tlak ni tura khawvel tana thil tha lam hawia kan thungrulh let a tul hle. Chu chu kan hmuhchian a, kan pawm ngam a ngai. Khawvel hi kan thlir liam mai mai thin a, ngaia kan neihna hi bansan a hun,” tiin Jacqueline hian a sawi.
Kum 39 mi chuan, “Tin, hringnun hi a tawi em em a, nuam leh tha kan tih te hi hmangaihna leh duhsakna thinlung nena kan tih a ngai. Kan hmangaih te bula awm a, anni nena hun hmanho thin tur a ni. A chhan chu, naktukah engnge lo thleng dawn tuma’n kan hre lo. Kan lo kal a, kan liam leh mai thin.
“Chuvang chuan hringnun hi am taka hman tur a ni. Hei hi lockdown harsa tak kan hmachhawn fo hnuaia zirlai ka zirchhuah lian tak pahnih chu a ni,” a ti bawk.