Bollywood star Hrithik Roshan chuan kum 25 kalta khan ‘Ka-ho Naa.. Pyarr Hai’ film hmangin lemchan khawvel a luhchilh a, zankhat thil thuah rampum hriatlar a ni nghal. Mahse, a tluang reng bik lova, hlawhtlinna karah hlawhchhamna a tawng chho zut zut a, a thil tawn kha tak takte’n zirlai pawimawh an zirtir, a ti.
Hrithik chuan, “Vawinah hian hun liam ta te ka thlirlet a, kawng thui tak ka lo zawh ve tawh reng tih ka hmu. Hlawhtlinna tam tak a awm rualin, hlawhchhamna tam tak a awm bawk. Mahse, a pawimawh bera chu, ka hlawhchhamna atanga zirlai ka zirchhuak thei kha a ni.
“Ka hlawhchhamnate khan tun dinhmun min thlen a, ka duhthlanna siamte pawh hlawhchhamna atanga lo chhuak vek a ni,” tiin a sawi.
A film thenkhat- Fiza, Kabhi Khushi Kabhie Gham, Koi Mil Gaya, Dhoom 2 leh Zindagi Na Milegi Doba te hit thawkhat mah se, heng- Yaadien, Na Tum Jaano Na Hum, Lakshaya, Kites, Mohenjo Dar, Super 30 leh War film-ah te mipui thinlung thleng phak danglamna a thlen thei lova, a hlawhchham.
Kum 51 mi hi beidawnna leh inrinhlelhna nasa takin a bawhbuai a, mah se, beidawng lovin tunge a nih, tih chu lemchan khawvelah phochhuahna remchang a zawng reng a, khati tak khan hlawhchham lo se, tun dinhmun hi a thleng ngai lovang, tih chu tlangaupui kher ngai lovin, a chiang tawk!