Pussycat Dolls star hlui leh reality show lar tak taka Judge te pawh lo ni tawh thin Nicole Scherzinger (47) chu a zahzum em avangin tun thleng hian stage-a a zai dawn apiangin tawngtaina urhsun tak a hmang hmasa thin.
Catholic chhungkua atanga seilian Nicole-i pu hi Hawaii-a thuhriltu hriathlawh tak a ni nghe nghe. Nicole hian Stage-a a zam loh nan Pathian hnenah inhlanna a nei thin a, a thiante nen hei hi an ti fo nia hriat a ni.
Kum 15 mi lek a nih laia Kentucky State Fair’s Coca-Cola Talent contest-a amah hrechiangtu leh chharchhuaktu ni bawk, Betsy Kronish chuan, “Tleirawl anih lai khan hlauhthawnna a nei hma thin hle a, Pathian nena inzawmna an neih hma loh chuan stage-ah a inlan ngai lo,” a ti.
Sawi chhunzawmin, “Mi zak zum tak, mahse themthiam bawk si a ni. A zahzum em avangin midang pawh a be tha ngam ngai lova, amahin a awm tlawk tlawk thin. Mahse, zai hi a tui a, zai reng mai hi a duh si a ni. A nu leh pate pawh sakhaw mi tak an ni a, show a neihnaah an lo kal thin a, a zai hmain an chhungkuain an tawngtai thin.
“Sakhuana hi an chhungkua hian an la urhsun hle a, tun thleng pawh hian stage-a a inlan dawn apiangin a la tawngtai ziah a ni,” a ti bawk.