Aizawl: Agriculture Minister P.C. Vanlalruata’n Saitual-a Ginger Processing unit sakna hmun tur nimin khan a enfiah.
Ginger Processing Unit sakna hman tur a tlawhnaah PC Vanlalruata hian, Ginger Processing Unit chu sawhthing chingtute tan hmasawnna rahbi pawimawh tak a nih a beisei thu a sawi a. Kut hnathawktute an din chhuah theih nan theih tawp a chhuah zel tur thu a sawi.
Agriculture Minister hi Saitual district Bawrhsap Dr. Lalngura Tlau leh Hmangaihthangi Renthlei, DAO, Saitual ten an lo dawngsawng.
Ginger Processing Unit sakna hmun tur a enfiah bakah, Saitual District Agriculture Office, FOCUS office, Tung Grower’s Association tana Processing Unit sakna hmun tur te leh Saitual Secondary Collection Centre (SCC) te a tlawh bawk.