Ruben Amorim chuan Manchester United tantute tana trophy lak ngei a tul tih sawiin Europa League champion a nih a ngaih thu a sawi.
Season hmang tha lo viau mah se Manchester United chuan Europa League-ah final an lut a, season tawp hmain trophy lak theihna hun tha an nei.
Portuguese coach Amorim chuan, “Season kan hman mekah hun khirh tak kan tawng chho nasa hle a, hei vang tak hian rinawm taka kan club tantute puala trophy kan lak ngei a pawimawh,” a ti.
“Final kan lut ringawt pawh hi ka tan chuan a delh a rit tawh viau a, kan champion ta lo a nih pawhin a pawi chuang lo a. Final kan thleng thei hrim hrim hi kan lawm tawk viau tawh a, eng thil pawh thleng thei erawh a la ni,” a ti bawk.
Premier League-ah Manchester United hi 16-na an ni mek a, Europa League final-a an hmachhawn tur, Tottenham Hotspur pawh 17-naah an awm mek bawk a ni.