Aizawl: Rural Development & Administration Department Minister Prof Lalnilawma chuan MGNREGA (ni 100 inhlawhna) hnuaia mipui inhlawhna leh thawktute hlawh chungchang bakah material component chungchangte chu sorkar laipuia Rural Development Minister Kamlesh Paswan leh RD Secretary Shailesh Kumar Singh-te chu nimin khan Delhi-ah a sawipui.
Ministry of Rural Development hotute hian MGNREGA hnuaia parameter hrang hrangah Mizoram chu state titha ber pawl an nih avangin a rang thei ang bera mipui inhlawhna leh material component bakah thawktute hlawh tur Administrative Cost-te pawh a rang thei ang bera Mizoram chu fund pek a nih tur thu an lo hrilh.
Central Ministry hotute hian PMAY-G chungchangah state sorkarin a mamawh ang zela thawktu rawih nan Administrative Cost pawh zaa 2 piah lam thlenga hman phal sak an nih thu te leh state sorkar chu rawtna rawn siam vat turin Minister hi an lo hrilh.
Sorkar laipui Rural Development hotute leh Minister inkawmnaah hian PMAY-G Regional Conference pawh kumin tawpa Mizorama neih theih dan tur kawngte an sawi ho bawk.