World Test Championship 2025 champion chuan pawisa an dawng hnem dawn hle a, a hmaa champion dawn let a ni dawn.
Tun tuma World Test Championship champion chuan $ maktaduai 3.6 an dawng dawn a, 2023 final-ah khan Australia-in India an hneh a, $ maktaduai 1.6 an dawng a. A hmaa champion team dawn leh tuna champion dawn tur hi a inthlau hle.
Pahnihna dawn tur pawh a pung nasa a, a hma vawi hniha pahnihnain $800,000 an dawn laiin kuminah chuan $ maktaduai 2.1 an dawng dawn a ni.
2025 final hi June 11-ah Australia leh South Africa ten Lord’s ah an khel ang.
International Cricket Council (ICC) chuan thuchhuah siamin, “ICC-in Test cricket chawisan a tum hle a, hei vang hian an lawmman dawn tur pawh a tisang,” an ti.
Final khel tur, South Africa hian Sri Lanka leh Pakistan an hneh a, point 69.44 an hmu a, champion lai Australia-in point 67.54 an hmu a, hun rei tak hmahruaitu India-in point 50.00 an hmu a, final hi an lut zo lo.