Australian supermodel leh Victoria Secret model hlui ni bawk Miranda Kerr chuan mipate tan kawppui te tihlawm dan leh lungawi taka siam zui zel dan a tarlang a, hengte hi a thil tawnhriat atanga a sawichhuahte a nih miau avangin ngaihven a hlawh nghal nasa hle.
Kum 42- upa leh Filmstar lar Orlando Bloom-a nupui hlui ni bawk hian thil te tham leh ho te anga lang te hi an pawimawh dan a namai lo hle niin a sawi a, eng ang thil pawh ni se la, a mamawh hriatchian a, ngaihsak thinna hi thil tul leh pawimawh berte zinga mi a ni a ti.
Hriselna vawn uluk, duatna leh duhna lantir thiamna leh a hun leh a hmun a zira ‘pump’ thiamna te hi hmeichhe tan chuan tawrh ngaihna a awm lo a ti bawk. “Ka tawnhriat atang chuan, thil te tham te anga lang an hriat a, an tih thlap thlapte hian min tihlim em em a, ka atchilh ringawt tawh mai thin,” a ti.
Hetah hian thil lian leh ropui lua a awm lem lova, thingpui siamsak te, ke malis sak te leh movie enpuite hi thil tangkai em em leh hmeichhiate’na an chunga thleng tura an duh leh beisei em em te chu a ni a ti bawk.
Heng thilte hi mipate’n thinlung taka an tih chuan an kawppuite nena an inkarah hlimna leh lawmna a thlen ngei ang tiin Miranda hian ‘confi’ takin a sawi.
Miranda hi 2015 khan Snapchat co-founder/CEO Evan Spiegal nen inzui tanin, July 2016 khan inhual tih a puang a, May 2017-ah an innei. An nupa hian fa pathum an nei tawh a ni.