Aizawl: Hnahthial District Excise & Narcotics thawktute chuan Inrinni khan New Ngharchhipah heroin (No. 4) hawng 10, gram 115 a rit an man a. An ruihhlo man hi Rs. 3,50,000 man hu ni a chhut a ni.
An thudawn bawhzuiin Excise & Narcotics duty-te chuan New Ngharchhip daiah heroin kawltu ni a rin, Lalhmingtluanga (47), New Ngharchhip football ground bula awm ni a insawi chu an dap a. A heroin kawl lai, hawng li leh a ina a dah that, hawng ruk chu a dahna bag leh thir thingrem nen an man a ni.
Inrinni zan vek khan Hnahthial Excise & Narcotics chuan thil tih tul pawimawh hrang hrang buaipuiin thubuai an ziak lut nghal a. An mi man leh an ruihhlo mante hi nimin khan Lunglei court an panpui.