AZL: Sericulture Demonstrator hna lak dan chhui chiang tura sorkarin inquiry committee a din chu MZP chuan lawmawm an tih thu sawiin, inquiry committee in a thil chhui chhuah chu uluk taka an zirchiang leh dawn thu an sawi.
Nimina thuchhuah an siamah MZP chuan, May 13, 2025 khan Sericulture department hnuaia Sericulture Demonstrator post pali lak danah, thil dik lo taka kalpui nia hriaiin, hna lak dan chhui phutin May 21, 2025 ral hma ngeia inquiry committee din turin sorkar an ngen a. An ngenna ngai pawimawha sorkarin he hna lak dan dik tawk lo chhui chiang turin inquiry committee a din nghal chu lawmawm an tih thu an sawi a. Inquiry Committee tena an thil chhui leh an thil hmuhchhuah chu nghakhlel takin a thlir reng dawn a. Uluk takin an zirchiang leh dawn tih an sawi.
MZP chuan sorkarin Inquiry Committee-ah department mi leh sa nilo, department pawn lam mi an ruat chu lawmawm an tih thu sawiin, ni 30 chhungin report peih hman tura beisei an nih thu an sawi bawk.