Mithiamte chuan nikhata message thawnchhuak hnem thinte zingah mipat hmeichhiatna, ruihhlo leh Zu-a thuk taka inhnamhnawih theihna a sang hle an ti a, thenkhatin messange 100 chuangte an thawn a, heng mite dinhmun phei chu a hlauhawm lehzual hle niin an sawi bawk.
Hetiang hi ‘hyper-texting’ an ti mai a, nikhatah message 120 chuangte an thawnchhuak ham ham thei.
Messange thawn tam em em thinte zingah Meizial, zu, insual (intih buai) leh mipat hmeichhiatna lama fihlim lo leh inthlahdah, awm awl an tam.
US rama zirna In lar, Case Western Reserve University School of Medicine-a mithiam te chuan message thawn hrat lem lo te nena khaikhinin, thawnchhuak hnem te hian zial zuk tumna leh chakna 40% zet an nei a, 95% te hian insual leh intihbuainaah an inrawlh duh hle tih an sawi.
Zirchianna hian message thawn tamna hian mipat hmeichhiatna, zu leh ruihhlo khawihnaah a hruailut dual dual an tih loh laiin, thiante nena inkara nawrna (pressure) te, thil a chhe zawnga thlirna te, nu leh pa enkawlna dawng tha lo thalai leh tleirawlte dinhmun hi a derthawng hle tih chu an thutlukna a ni.
Thil pakhat chiang taka lo lang erawh chu, eizawnna hna lam thil pawh ni lem lo, nikhata message 100 chuang thawn thinte hi message thawn tam ve ngai lote aiin, a let thum zetin mipat hmeichhiatna hmankhaw lohnaah an tlulut thin tih a ni .
He an thil hmuhchhuaha hi hman deuha Denver khawpuia neih, ‘American Public Health Association’ inhmuhkhawmnaah an hotu pakhat, Dr Scott Frank-a’n a sawichhuak a ni.