American Idol season 23 pawh khar fel leh tawh niin, American Idol show awm tawh zawng zawnga finale vote hmu tam ber nihna hauhin Jamal Roberts chu American Idol atana thlan a ni.
Pahnihna chu John Foster niin, pathumna chu Breanna Nix a ni bawk.
Idol-a thlan tlin a nih hnu hian a lawmna pualin Roberts hian Anthony Hamilton hla ‘Her Heart’ sa zui bawk.
Roberts hi Missisippi tualchhunga elementary school-a gym zirtirtu a ni a, audition an neih tumin Rick James-a hla ‘Mary Jane’ sa in, judge te ngaihven a hlawh nghal hle a, intihsiak awm chhung zawngin thawm a nei lian tluan zui a ni.
American Idol tichhuaktu ABC lam chuan season 24 siam ngei an tum thu an sawi zui ve bawk.