Aizawl: Agriculture Minister PC Vanlalruata chuan ZPM sorkar tharin mipui leh lo neitute nena inzawmna tha tak thlai thar market hmangin a buatsaih a, a market-a an buai lohna tur thlai an thlan thiam a pawimawh tih a sawi.
Thawhlehnia Agriculture & Farmers’ Welfare Department-in an pisa Conference Hall-ah ni hnih awh tur, kum lian taa hmalakna thlirletna an buatsaih hmanpuitu Agriculture Minister PC Vanlalruata chuan, department-in hmalakna tam tak a lo neih tawh thinah, siam that ngai lai leh fuh lote chu siam that zel tum a nih thu a sawi a. Agriculture hmasawnna atan a hmalakna hrang hrang chhunzawm loh leh hlawhtling zo lo awm thin te chu pawi a tih thu sawiin, sorkar hruaitute, department-a thawkte leh tanpuina dawng thin loneitute thlengin he thilah hian an inenfiah tlan a ngaih thu a sawi.
PC Vanlalruata chuan Agriculture hotute chu anmahni hna chanpual theuhte tikhawtlai lo va, a rang thei ang ber a hma la nghal turin a chah a. Tlangram loneitute nasa lehzuala ngaipawimawh a, an hmasawnna tur a ruahmanna thar tha tak siam thei turin a chahin, “Sorkar tharin mipuite leh lo neitute nena inzawmna tha tak thlai thar market hmangin a buatsaih a. A market a kan buai lohna tur thlai kan thlan thiam a pawimawh hle,”a ti.
Agriculture & Farmers Welfare Department Special Secretary Ramdinliani pawhin thu a sawi.