Aizawl: Mizoramah danglamna (tranformation) a thlen theihna tura a tul anga hma la turin pawl thar, Mizoram Transformation Movement (MTM) tih chu nimin khan tlangzarh a ni.
Donum Dei Restaurant, Aizawl-ah MTM pawl thar hi Rev. Dr. K Lalrinthanga’n a tlangzarh a ni.
MTM hian ‘Mizoram hi ram intodelh, hmasawn leh Pathian tih rama siam’ tih hmathlir atan neiin, thil tum pali a nei a. Ramin hma lam pan zelin, Mizoram Vision 2050 nei chungin tun atanga kum 25 ah chuan ‘Ram intodelh, hmasawn leh Pathian tih ram’ a lo nih theihna turin ruahmanna siamin hmalak an tum a. He ruahmannate tihlawhtling tura theihtawp chhuah turin, Pathian rinchhanin MTM hi din an nih thu an sawi.
MTM Office Bearers chu:
President: Dr. Lalbiakmawia Ngente, Bungkawn
Vice President: Laldingluaia, Sihphir
General Secretary: Dr. Vanlalsiama Chhangte, Zotlang
Asst. Gen. Secretary: Romalsawma (Roma), Mission Vengthlang
Joint Secretary: F Zothanzuala, Zotlang
Treasurer: Lalrinawmi Pachuau, Zarkawt