Aizawl: Kolasib district-a ruah sur nasa avangin nimin zing khan Bairabi-a in pali chu tuiin a chim.
Thudawn danin, tuna Bairabi khaw chhunga tuiin in a chim hi ruahsur vanga tui lianin a chim vang ni lo vin, an khaw chhunga an tui luan kawr, hume pipe an phum chu kum tela a tlakhniam avanga tui a luan that loh vang a nih thu leh, tuihawk lian kawr that loh vanga hetiang tawh an ni.
Bairabi khaw chhung hmun hniam laia hume pipe phum hi a tira a phumna atangin a pil tial tial nia sawi a ni. Tuna helai kawng siamtu NIDHI Infrastructure Pvt. Ltd., Company pawh hrilh nghal ni mah se, an hnathawh tur an chhanna turah a tel loh avangin an siamsak theih loh thu an sawi nia thudawn a ni.
Bairabi khaw chhunga hume pipe phum hi tha taka siam a nih loh chuan, ruahtui tam zawk a tlak hunah tun aia nasa zawka tui lian an tawrh theih thu thudawnnain a sawi bawk.