Aizawl: Food, Civil Supplies & Cosumenr Affairs department chuan ration card thar siam turte tan software thar peih hun nghak hram turin an ngen.
An thuchhuahah FCS&CA department chuan, sorkar laipuiin project thar, SMART-PDS a taka kalpui a tum avangin mipui ten ration an lak dawn apianga hman ngei ngei ngai software pathum, heng RCMS, FEAST leh AePDS software-te hi a hranga awm tawh lo va, hmunkhata chhunfin a tum avangin heng software-te hi tihtawp lailawk rih a ni a, ration card siamna ber RCMS phei chu central sorkar hian a ti thi (deactivated) tawh a, a thar tur a la hman theih bawk si loh avangin hun eng emaw atang khan ration card hi siam theih a ni tawh lo tih sawiin, “Hei hian eng chen nge a awh dawn hriat theih loh mah se, a rei tawh loh beisei a ni,” an ti.
Hetiang hi thil awmdan a nih avangin lo hrethiam a, software thar peih hun lo nghak hram turin FCS&CA department chuan mipui an ngen a ni.