Union Minister of State for Skill Deveolopment & Entreupreneurship and Education Jayant Chaudhary te nupa chuan Chanmari, Aizawla PM Shri Govt Model English Primary School leh Museum a tlawh.
Union minister hi PM Shir Govt Model English Primary School-a naupangte kawmin classroom-ah an sikul chanchinte a zawt a, zirtirtute pawh an thawh dan thenkhat a zawt a. Classroom bakah ei siamna hmunte fangin, chaw chhumtute pawh kawmin an ei siam dante a zawt bawk.
Union minister hian sikul a tlawh hnu hian Mizoram State Museum, Zarkawt a tlawh nghal a. Mizo nunphung leh khawsak dan hriat theih nana thil pawimawh chi hrang hrang vawn thatte en kualin, hlu a tih thu a sawi.
Union minister-te nupa hian an tlawh hnuah hian chawhnuah New Delhi an pan a ni.
Union minister-te nupain sikul leh museum an tlawhnaah School Education Minister Dr Vanlalthlana te nupa, School Education Special Secretary David Lalthantluanga, Addl Director Lalhmachhuana, Samagra Shikhsa State Project Director C. Lalthanzira leh officer dangten an tawiawm.