Furpui kan lut chho tan chu a ni deuh ber ta. Ni han lang ve zawk thin mahse, boruak inthlak thutin ruahtui tam tak kan dawng chhunzawm ta thin a, mitin i fimkhur ang u.
Chetsualna thlen duh hun a ni a, khuarel chhiatna hrang hrang thlen a hnai duh hle bawk. Kan awmna leh kan chhehvel en fimkhur chungin, chhiatna thleng thei lakah i fimkhur ang zual bawk ang u.
Lui tui a len chhoh leh tan avangin hmun hniam, lui luang hnaiha khawsate tan mahni chenna in tuilianin a chim lohna tura kan enfiah thuai thuai a tul a, kan chenna in kan sak fimkhur zual pawh a ngai awm e. Tuihawk luaina thlenga kan enfiah fo pawh thil tul tak a ni.
Tin, kan lo sawi fo thin tawh angin, bawlhhlawh leh leivungte mahni duhna lai laia paih mai lovin, a paihna hmun dik takah paih ila, leivung a hmun lova kan paih nasat thin avangin kan tui tlan ber a nu a, a thlitfimna hmunah pawh a fim hlei thei lo thin. Kan hmabaka kan tawrh leh theih reng a nih avangin mitin kan fimkhur a tul hle.
Engpawh hi ti ila, furpui hian chhiatna hrang hrang a keng tel thei tih hrereng ila, kan fimkhur a, kan chhehvel kan enfiah uluk fo a tul awm e. Mahni tui tlan kan tithianghlim thei lo a nih pawhin, a tibawlhhlawhtu i ni lo chho zel bawk ang u.