K-pop hitmaker, kum 32 mi Jin chuan a member puite chuan sipaia an tan hun chhung tur an hmang zo tawh nia sawiin, tunah hian a member pui Jungkook, V, Jimin, Suga, j-hope leh RM te nen inzawmkhawm leh tuma an inruahman mek thu a sawi.
Band anga an kal theih loh chhung hian member te chuan solo project hrang hrang nei hlawmin, kum 2022 atang khan mahni buai buaiin an buai chho hle a, tunah chuan BTS army te tan ke an rawn pen leh hnai ta.
Hetih lai hian he thu sawitu Jin hian tun hnai khan a solo album pahnihna Echo tichhuakin, solo tour nei turin a inbuatsaih mek a ni.
Kar kalta khan Jin hi The Tonight Show-ah inlanin, hemi tum hian BTS anga inzawmkhawm leh tuma an inbuatsaih mek thu hi sawiin, mimal tin hi kan inpeih leh vek tawh a ni, a ti.
Jin hi BTS member zinga South Korea sipai zawm hmasa ber a ni a, kum 2022 tawp lam khan zawmin, June 2024 khan a service a hmang zo. Hemi kum vek November thla khan a solo album hmasa ber Happy tih chu a tichhuak nghal a ni.