Aizawl: Inrinni khan Ramthar Pastor Bial Kohhran Pavalai Pawl chuan kum tina an tih dan angin, Chite Lui thenfai hnatlang an nei a. He hunah hian Ramthar Pastor Bial huam chhunga Pavalai Pawl member thahnem tak an thawkchhuak.
Chite Lui tihfai hnatlang hawnna hi Ramthar Pastor Bial Kohhran Pavalai Pawl Chairman H. Z. Lalrinfela’n a kaihruai a. Pastor Lalbiakchhunga Pachuau, Bialtu Pastor-in hunserh a hmang a. Save Chite Lui Coordination Committee atangin an hruaituten thu an sawi a. He hun hmanpuitu, Agriculture Minister P. C. Vanlalruata’n thu a sawi bawk.