Billy Ray Cyrus leh Elizabeth Hurley chuan holiday hlimawm tak an hmang dun mek.
Country music star kum 63 mi leh actress kum 59 mi te hian May 24, inrinni khan Italy khawpuia an nupaa a tumkhat nan red carpet zawhin, an la vul dun hle a, Orizzonti/Rosso exhibition hawnnaah a lawm nan zanriah an kil nghal bawk.
An nupa hian an kum a tam tawh tih hriat miah loh khawpin an vul dun a, thlalatute leh kalkhawmte mit an la dun hle. An nupaa thla an lak dun hnu rei vak lovah hian Hurley fa bik kum 23 mi Damian chuan zawm ve in, hun hman chhung zawng hian an pathuma inzuiin, mi mit an la hle a, thlalaksaktu an la tawng tam hle.
Hurley leh Cyrus te hian an hma hun an la thlir lawk dun nasa hle a, June 10-a Hurley kum 60 tlin hun pawh am tak leh ropui taka hman dun an la tum nasat thu an sawi.
An hun hman chhung hian zawhna rei vak lo an zawhna chu Cyrus chuan chhangin, Hurley chu hun harsa tak a tawh kara rawn pan vang vangtu a ni tia sawiin, ‘Harsatna a tawk zual thei tih hrereng chung pawhin min rawn pan a, ka tan chuan mihring ropui tak a ni,’ a ti. Tunah chuan hetiang ang renga hlimna a la tawn ngai loh thu a sawi tel bawk.