Chief Minister Lalduhoma’n nimin khan Defence Minister Rajnath Singh chu New Delhi-ah a kawm.
Chief minister chuan Mizo Territorial Army Battalion din a nih theihna kawnga hma a lakpuina avangin lawmthu a hrilh a. Battalion hi June, 2025 atanga bultan tur a nih thu leh Mizo thalaite tana hna siamtu a nih tur thu a hrilh.
Chief minister hian Mizorama kawngpuite tha zawka an enkawl theihna turin Mizorama National Highway leh State Highway-te chu strategic highway-a puansak turin a thlen.
Defence minister hian Mizorama private school-te chu Sainik School nen Public Private Partnership (PPP) model-a thawhdun theih a nih thu a lo sawi a, online-a application thehluh a ngaih thu leh thlanchhuahte hi Sainik School-a pawm theih an nih thu a hrilh.
Chief minister hi MP Richard Vanlalhmangaiha, Commissioner & Secretary to Chief Minister Vanlaldina Fanai leh OSD to Chief Minister R. Lalrodingi ten an tawiawm a ni.