India actress Preity Zinta chuan South Western Command hnuaia Army Wives Welfare Association (AWWA) hnenah cheng vaibelchhe khat a thawh.
IPL team Punjab Kings neitute zinga mi ni bawk Preity Zinta hian April 22-a Pahalgam-a firfiakte beihna chuan a thawngin, Operation Sindoor kalpui hial ngai khawpa khualzin 26 in nunna an chan chu pawi a ti takzet tih a sawi a, sipai nupuite tana tha thawh ve ngei chu a duh a nih thu a sawi.
Veer-Zaara star hian pathianni khan instagram-ah video hrang hrang share in, hetah hian sipai chhungte hnena a thusawi laite pawh a tel a, sipaite chu a chhuan thu leh an huaisenna leh chakna chu a fak thu a sawi uar hle.
A caption thenkhatah chuan ram tana nunna hlantute chu a ngaihsan leh ngaihhlut thu sawiin, thenkhat erawh indona hmun atangin hliam na tak tuarin an lo haw a, kan tana an inpekna hi theihnghilh chi a ni lo, a ti. Sipaite chu kan naktuk atana an vawiin hun hlantute an nih thute a tarlang tel bawk.