A lar tanna rei tawh mah se, Kajol-i’n chuai lam a la pan theih meuh lo a, horror lam movie tichhuak turin a inpeihfel leh tan der tawh mai.
A movie thar tur poster hi instagram lamah tarlangin, rei loteah a chhuah tur thu a sawi a, a tan chuan project hlimawm leh nuam tak a nih thu a sawi.
Kajol film thar tur hi “MAA” tih a ni a, sual leh mihringte inbeihna, horror movie hmuhnawm tak a ni dawn a sawi niin, a hlawhtling hle tura ngaih a nih bakah, en manhla leh ngaihtuahna hruai thei tak a ni dawna sawi a ni.
MAA hi kum 2024 a film hit tak Shaitaan siamtute siam tho niin, a film buaipuite pawh bollywood lama mi hrawl leh lian tak takte an ni hlawm.
A film hi horror, action, drama leh mystery lam thlenga sawi theih a ni dawn nia sawi niin, Kajol chu a main role play tu ber a ni dawn a, en manhla tak a ni ngei ang.
A film chantirh atanga kum 20 chuang hnuah leh, nuchang a ni tawh chung pawhin Kajol a la chuai thei meuh lo.