India Under 23 chuan Tajikistan Under 23 leh Kyrgyz Republic Under 23 an hmachhawn dawn a, heta tel tur hian head coach Naushad Moosa chuan Chennaiyin FC midfielder Lalrinliana Hnamte a thlang tel.
June 18-ah khian India U23 chuan Tajikistan U23 an hmachhawn ang a, June 21-ah Kyrgyz Republic U23 an hmachhawn leh bawk ang.
Friendly match pahnihte hi Dushanbe, Tajikistan ah an khel dawn a, India U23 team-a tel thei tur mi 29 an puang phawt a, hetah hian Mizo tlangval hi a tel a ni.
U23 team hian June 1 atangin Kolkata, West Bengal-ah camp an nei tan dawn a, June 16-ah Dushanbe an pan dawn a ni.
All India Football Federation (AIFF) chuan India senior team-a tel thei turin U23 player-te chu chher hriam an tum hle a, camp an buatsaih a, friendly match an khelhtir fo thin.
Kumin kum tawp lamah Asian Football Confederation (AFC) U23 Asian Cup Qualifiers khelh a ni dawn a, chu chu an tinzawn tel deuh bakah kum 2026-a Japan-a Asian Games pawh an rilruah a awm nghal bawk.
- India U23 team tura chhawp chhuahte:
Goalkeeper: Sahil, Priyansh Dubey, Md Arbaz.
Defender: Nikhil Barla, Dippendu Biswas, Bikash Yumnam, Pramveer, Clarence Fernandes, Sajad Hussain Parray, Muhammed Saheef, Subham Bhattacharya, Suman Dey.
Midfielder: Vibin Mohanan, Lalremtluanga Fanai, Vinith Venkatesh, Harsh Patre, Rahul Raju, Lalrinliana Hnamte, Macarton Louis Nickson, Manglenthang Kipgen, Chingangbam Shivaldo Singh, Mohammed Aimen, Huidrom Thoi Singh.
Forward: Parthib Sundar Gogoi, Md Suhail, Korou Singh Thingujam, Mohammed Sanan K, Alan Shaji, Joseph Sunny.