NBC tihchhuah, khawvel huap pawha show hmuhnawm leh lar America’s Got Talent chu thawhlehni atang khan tihchhuah tan leh niin, season 20-na an tan leh ta a, tun tumah erawh judge te zingah Heidi Klum awm tawh lovin, Mel B in a ai a rawn awh ve ta thung.
Judge te zinga season 20-a awm ve ta lo Heidi hi Simon Cowell, Sofia Vergara leh Howie Mandel te nen an thuho thin a, tun season-a a thut loh chhan hi project dang neih laklawh lai a neih vang nia sawi niin, buatsaihtu lam pawhin an ngaihchan reng hnuah tun season bik atan chuan a awm loh rih mai a ngai ta thung nia sawi a ni. Hetih lai hian AGT lam chuan engmah thuchhuah hran an siam lo thung.
AGT lam chuan a aiawh tawh tur hian Mel B chu judge dawhkana a thut tur thu an puang a, Mel B pawh hi AGT lamah hian mikhual lo hle in, season 8 atanga 2018 thleng khan a lo thu ve tawh bawk.
Show hmuhnawm leh mit la thei tak awmna AGT hian season 20 na hmang mekin, ropui taka kalpui an tum thu an sawi a, judge te zinga tun season bika awl ta Heidi pawh hi season lehah chuan a thu leh tho dawn nia sawi niin, official-a puan erawh a awm lo thung. NBC-ah premiere leh niin, @peacock chuan an streaming leh dawn bawk.