Aizawl: India Meteorological Department (IMD) chuan vawiin bakah June 3 thleng hian Mizoram leh hmarchhak state dangahte thlipui leh ruahpui thawk thei tur angin thuchhuah a siam.
IMD chuan May 29, 2025 bik phei chu a nasa zual dawn niin a tarlang a. Hemi ni bikah hian Mizoram, Nagaland, Manipur leh Tripura state-te chu thlipui leh ruahpui a nasat theih avanga fimkhur tura thurawn niin, ‘Red Alert’ warning hriattir an ni.
DM&R pawhin Assam leh a chhehvela fur ruah a thawh rualin Mizoram hmun thenkhatah ruah nasa tak sur thei dinhmunah a ding mek a, thli leh tek pawh a awm theih thu leh a bikin vawiin hian ruah nasa taka sur tura thlir lawk a nih avangin, chhiatna laka him theih nan chhung tinte a theih ang anga fimkhur lehzual turin an ngen.
Hetih lai hian, Aizawl Munical Corporation (AMC) pawhin nimin khan thuchhuah siamin, May 28 atanga Jung 2, 2025 thleng hian ruahpui lo thleng thei avanga leimin leh chhiatna awm palh thei pumpelh nan AMC huam chhungah lei laih khapna thupek a tichhuak bawk.