Aizawl: Oikos Higher Secondary School-in kumin academy session atana an sikula Class 11 lut tharte pual leh HSSLC exam-a an sikul atanga top 10-a langte leh subject -a mark hmusang ber te chawimawina hun an hmang.
Nimina an sikul-a hun an hmanah an sikul chhuak, Aizawl South III bialtu MLA Baryl Vanneihsangi chuan khuallian niin a hman pui a, zirlaite fuihna thu tha a sawi a. An sikul Principal Cecilia Chawngthu pawhin zirlaite lawmna thu a sawi bawk.
Oikos Higher Secondary School hian kumin 2025 HSSLC examination-ah hian Commerce stream topper an neih bakah, Arts leh Commerce atangin Top 10-a lang thei mi paruk an nei a ni.