Khuarel chhiatna a thleng leh nasa hle mai. Mihring tihtheih phak bak leh invensen a ni hlawm si lo a, harsatna tawkte an khawngaihthlak tak zet.
Furpui kan lut chho a, kawng hrang hrangin harsatna neuh neuh kan tawk chho leh tan a, mitin kan fimkhur a, kan in leh a vel kan endik that bakah pawn lamah kan chhuah tam rih loh a him hle.
Harsatna leh manganna tawk thei vek kan ni a, tul fe lovah chuan zin veivah loh a him hle bawk. Thil reng reng hi kan hriat hnu mah nise kan inhrilh thar fo zel hi a tul a, fimkhurah fimkhur luat a awm lo tih pawh kan hriat thar a tul hle.
Furpui thawm hi a na leh hle mai a, hmun hrang hrangah chhiatna hrang hrang a thleng chho tan a, khuarel chhiatna tam tak awm mah se thenkhat erawh hi chu keimahni insiamchawp hi a ang thin. Kan khawsak dan hi kan en fimkhur leh kan inenfiah zual deuh deuh pawh a ngai awm e.
Harsatna a lo thlena kan intuammawi dan leh kan intanpuitawn dante hi a mawi a, kan tlawmngaihnate hi hnamdangte zingah hian hmuh tur a vang hle. Inchhuanna tham a ni bawk.
Chhiatna leh harsatna hi tawng thei leh kan chunga thleng thei reng a nih avangin inbuatsaihin, inenfiah ngun ila, mitin i fimkhur zual deuh deuh zel ang u.