Aizawl: Tun hnai ruah sur nasa avangin district hrang hrangah zirna in chu vawiin hian chawlh puan a ni.
India Meteorological Department (IMD) leh Integrated Control Room for Emergency Response (ICR-ER)-in khaw chin a thlir lawknaah ni sarih chhung hian Mizoram pumah nasa taka ruah sur turin a sawi lawk a. Mizoram chhung hmun hrang hrangah khua a chen chhunzawm reng bawk avang leh chhiatna nasa zawk thleng palh thei lakah mipui, a bikin sikul naupangte an him theih nan tiin, nimina Chief Minister Lalduhoma hova CM Conference room-a thukhawmah, vawiin hian zirna in chawlh an puang.
District hrang hranga bawrhsapte pawhin danin thuneihna a pek angin an huam chhunga zirna inte hi Thawhtannia hian sikul chawlh an puang hlawm bawk.
Tun hnai ruah sur nasa avang hian Ningani leh Zirtawpni kalta khan district eng emaw zatah sikul chawlh puan a ni tawh bawk.