AZL: Green Mizoram Network (GMN) chuan an Founder president P.C. Lalthakima an ui thu leh an sun thu an sawi.
P.C. Lalthakima hi nimin chawhma dar 11:15 khan Cilvil Hospital Aizawl-ah a thi a ni.
An thuchhuaha an tar lan danin GMN hi PC Lalthakima hovin June 4, 2009 khan din a ni a. June 21, 2010-ah sorkarah ziah luh niin kum 16 chhung zet office bearer-ah nihna hrang hrang a chelh a. A thih ni thleng hian Sr. Vice President hna a chelh a ni.
P.C.Lalthakima hi ramngaw, nungcha, environment humhalh kawnga mi thahnemngai tak niin, a theihna zawng zawng a hlan a. Zai leh hlaphuah lama Zofate hriathlawh tak anih avangin, Mizoram leh environment humhalhna lam hla a phuah pawh mi te hriat hlawh tak tak a ni hlawm.
GMN chuan P.C.Lalthakima hi an ui a, an sun a, Mizoram tana mi thahnemngai a her liam ta mai hi pawi an tiin, a hnathawhte chhunzawm zel turin an inhlan thar a, ‘Pu P.C.Lalthakima dam reng rawh se’ tiin an thlah a ni.