AZL: Tunhnai Mizoram hmun hrang hranga ruahpui vanawn sur vanga chhiatna thlengah mi pangain nunna an chân tawh.
Disaster Management & Rehabilitation (DM&R) chhinchhiah danin, May ni 24 atanga June 3 chhun dar 12 thleng khan Mizoram hmun hrang hrangah lei min/lei tawlh 598 awm tawhin, chenna in chhia 171 a awm tawh.
Chenna in rauhsan 244 awm tawh bawkin, tuilian vanga in rauhsan 119 a awm. Retaining wall chim awm tawh bawkin, electric ban tlu pakua, lei tlahniam pasarih, thlanmual min pathum a awm tawh bawk.