Manchester City chuan Euro maktaduai 55-a Netherlands midfielder Tijjani Reijnders la lut turin AC Milan nen inremna an siam.
Kum 26 mi hian mi mal thila City nen an inrem hnuah Etihad Stadium-ah kum nga chhung awm turin contract a ziak ang.
Medical thila tihfel ngai chauh a awm tawh a, inbiakna a fel chuan sum inpek belh tur pawh a la awm dawn a ni.
City hian Reijnders hi June 14 atanga khelh tan tur, Club World Cup-a khelhtir hman tura lak luh theih an inbeisei.
Dutch defender hi an la lut thei a nih chuan a khelhna thin hmuna awm thei, Mateo Kovacic-a inhliam avanga an thawlna chu a hnawh khat thei dawn a. Team 32 telna tur United States-a inelnaah hian a khelmit zai a nih avangin Serbian hi a inlan thei danw lo.
Midfielder Kevin de Bruyne pawh tournament-ah hian a inlan theih hmel loh va, Serie A champions Napoli chuan lak luh theih an inbeisei.
Netherlands tana vawi 22 lo khel tawh, Reijnders-a hi City-in season liam taah an tlakchham tak midfielder ang chi a ni.
Dutchman hian season liam taah khan Milan tan inelna hrang hrangah vawi 54 inlanin goal 15 a thun, Serie A-ah midfielder of the season atan thlan a ni.
A mi malin che chhe lo mah se Milan an chet chhiat avangin a langsar lutuk thei lo va, Rossoneri hi pariatna daih niin season tharah pawh Europe inelnaah inlan phakna tur an nei lo.
Season liam ta hi goal thun lamah Reijnders-a a chet that ber tum a ni a, kum 26 mi hian a vawi khat nan goal 10 aia tam a thun a ni.
AZ Alkmaar midfielder hlui, PEC Zwolle tana senior tana kum 2018-a inlan tan hi goal thun leh thawh chhuahah chauh a tangkai lo.
Midfield-ah a deep leh high-ah pawh khel thei ve ve a ni a, hei tak hi coach Pep Guardiola-a khelhtir dan atana Reijnders-a a tangkaina a ni.
Midfielder hian hmun chep takah pawh ball a kawl rei thei em em a, mi dang ball pek a thiam avang leh ball a ken rei theih avang hian lehlam pawl nawr beh kawngah a tha tel hle bawk a ni.
Rodri-a inhliam a dam tan a, season tawp lamah phei chuan a khel thei dawn em tih hman a ni a. Reijnders-a an neih belh leh bawk chuan Spaniard bulah emaw, a hmaah emaw dingin a khel thei dawn a ni.
An khel rual ta lo a nih pawhin Guardiola tan midfield-ah duhthlan tur a tam sawt dawn tihna a ni tho bawk a ni.