A hla hit ‘The Climb’ngei mai chu rawn sa chhuakin, kalkhawmte a barakhaihin, ngaihven a hlawh bakah, mipui boruak a rawn siam tha hle a, hei hi kar liamtaa Miley zai laia thil thleng niin, amah tak pawhin nuam a ti hle.
Miley hian a album thar tura hla hrang hrangte a sak hnuah a music play tute chuan ‘The Climb’ music hi rawn play in, mipui an phur hle.
Kum 32 mi grammy dawngtu hian a hla hit leh a tleirawl lai hla a sa leh thei leh ngaihven a la hlawh reng mai chu mak a tiin, a lawm hle a, kalkhawmte nen an la sa dual dual thei leh an la zawm dual dual theite chuan a lung a len bakah, a music play tute thleng chuan a fak hle.
Kan hriat fo tawh angin ‘The Climb’ hi Hannah Montana an chan laia a hla, a tleirawl chhuah tirha a hit pui em em a ni a, tun tuma a sak zawh chiah pawh hian a lunglen thu leh a hun hlui tam tak a chhuikir hial thu sawiin, thil tam tak ralin danglam tawh mah se, he hla zet hi chuan a nun chhungril ber a la luah reng thu a sawi.
Miley Cyrus hian March thla khan album thar a neih tur thu puangin, April thla khan a track hmasa ber music video chu rawn tichhuak nghalin, June 6 hian Tribeca Film Festival-ah a album hi tihchhuah a tum a ni.