Apollo Multispecialty Hospital, Kolkata buatsaihin Inrinni zan khan Aijal Club, RB McCape Hall-ah Apollo Hospital-in Mizo cancer an enkawl damte tan ‘Cancer Survivors Meet’ an buatsaih a, he hunah hian Central YMA President Lalmachhuana chuan khuallian niin a telpui.
He huna khuallian, Central YMA President Lalhmachhuana chuan, Apollo Hospital-in Aizawl Multispecialty Hospital an hawng chu Mizo mipuite tan mel lung pawimawh tak a nih thu sawiin, Mizo thenkhat cancer-te duat taka lo enkawl thin chu lawmawm a tih thu a sawi.
Lalhmachhuana chuan Mizo damlo ten neihthinglungkhawngin, dam duhin hmunpui zawkah an inenkawl a, sum leh pai mai bakah rilru thlengin nghawng a nei thin. Inenkawl chhunzawm zelna kawngah sum leh pai senso a tam a. Chutiang a nih laia awlsam zawka damlote enkawl chhunzawmna tur Aizawl khawpuia Apollo Hospital-in an hawng hi a lawmawm hle, a ti.
Thusawitu dang, Apollo Hospital Director Dr. Shaikat Gupta chuan, Apollo Hospital-in Mizo damlo a enkawlten sum leh pai tam tak an sen thin tih ziaawm zawkna turin, Aizawla Apollo Hospital Information Centre-ah doctor thiamte chawlhkar tin an lo kal thin tur thu an sawi. Mizoten cancer vei theihna hmahruai zuk leh hmuamah te, pan masala atanga siam leh zu lam kaihhnawih an tih loh a ngai a, taksa tih chakna turin taksa insawizawi that fo a tul thu a sawi bawk.
He hunah hian Apollo Hospital-a cancer natna enkawl tawhten an thil tawn hrang hrang an sawi ho a, tha zawk leh remchang zawka inenkawlna an dawn theihna tur an thlen bawk.
Zirtawpni khan Apollo Hospitals, Kolkata hian Mizoram atanga cancer vei an enkawlte tha zawka an vil theih nan Aizawlah Apollo Information Centre an din chu hawnna an lo nei tawh bawk a ni.