Lemchan thiam Scarlett Johansson chuan entertainment industry hre lo leh pawn lam mite nen inkungkaihna nghet an nei tha thei lo niin a sawi.
Tunhnaia an kawmna June 10-a tihchhuahah actress chuan actor lam nena inngaihzawnna hian rah tha zawk a chhuah thei ang em tih chu a ngaihtuah mek a nih thu sawiin, a kalna line chu ngaihtuah chian ngai nia a hriat thu a sawi a ni.
Industry-a tel lote nen inzawmna kan lo nei tawh a, harsatna pakhat ka hmuhchhuah tak chu ka hnathawh tur reng reng leh eng nge ka mamawh an hre lo, kum 40 mi Johansson chuan a ti.
Industry lama a telpui mipate nena inkawp hoah erawh chuan inpawhna tha zawk a awm nia a hriat thu leh, engkim an inhriatpawh leh inhriatthiampui thu bakah, an rinawmna pawh a lehalinga a nghet bik nia a hriat thu a sawi bawk.
Tunah hian Johansson-i hi a fapa Cosmo, kum 3 mi leh a fanu Rose, kum 10 mite nen an awm mek a, heng mite hi mihrang laka a fate ve ve niin, an pate nen thuneihna inang hmangin a enkawl mek.