Aizawl: Prime Minister Narendra Modi kaihhruai BJP sorkarin kum 11 chhunga ram a kaihruainaa hmasawnna hrang hrang a neihte lawmna kal zelah nimin khan BJP Mizoram-in an pisa-a Exhibition a buatsaih chu nimin khan BJP National Secretary & National Spokesperson Anil Antony-a’n a hawng.
‘11 Years of Modi Government’ Exibition hawnna inkhawmah Anil Antony chuan PM Modi kaihhruaina hnuaiah BJP & NDA sorkar kum 11 chhungin India ramin nasa takin hma a sawn tih sawiin, “Khawvela economy tha berte zingah kan lang phak a, defence-ah pawh nasa takin hma kan sawn a. Swachh Bharat Mission kalpuiah hmun hrang hrang tun hmaa bawlhhlawh tak ni thin chu a fai chho mek a, inthiarna nei lote saksak an ni,” a ti.
He’ng bakah corruption-ah pawh PM Modi-a kaihhruai sorkar chu an fihlim avangin, state hrang hrangah hmalakna thar ‘Direct Benefit Transfer’ avangin eirukna kawng laka awm thin pawh tihreh a nih thu a sawi bawk.
Antony chuan PM Modi kaihhruainaa hmalakna phcochhuahna buatsaih hi Mizoram mipuiin tlawh se, India chanchin, hmasawnna kawng an zawh dan hrang hrangte chu an hre fiah thei ngei dawn niin a sawi.
He hunah hian BJP Mizoram State President Vanlalhmuaka pawhin PM Modi kaihhruai sorkar, kum 11 chhunga hnathawh te tarlan Exibition hi tlawh theuh turin mi zawng zawng a sawm.
Exhibition hi tun thla chhung hawn tur niin, a duh apiang tan zing dar 10 atanga chawhnu dar 4 thleng tlawh theih tura hawn a ni.