Aizawl: I&PR huaihawtin nimin khan Mizorama YouTuber-te pualin social media-a thu thar thehdarh leh an thil chhuah chungchanga fimkhurna tur leh a kaihhnawih awm theite zir hona, ‘Media Sensitization for YouTubers’ neih a ni.
Lianchhiari Run, I&PR Conference hall-a buatsaih hi C. Lalnunkima, Director, I&PR chuan a kaihruai a. Prof. Irene Lalruatkimi, HOD, Department of Mass Communication, Mizoram University chu resource person a ni.
Prof Irene Lalruatkimi chuan YouTuber-te chu khawtlang siamtha thei tu, hnam nunzia leh Mizo tawng humhalhtu an nih theih bakah, sorkar khalh ngiltu an nih theih dan te a sawi a. Thu thar theh darh leh thil post chungchanga fimkhurna tur thil pawimawh hriattur chi hrang hrangte a sawi bawk.
Mizo YouTubers Association hi kum 2022-a din niin, tunah hian member 60 chuang an awm mek a ni.