Billie Eilish,23 leh Nat Wolff,30 te chuan an inkungkaihna tinghet zelin Italy khawpui Venice lamah kar liamta khan hun hlimawm tak an hmang.
An pahnih hian an inngaihzawn thu chungchangah thuchhuah engmah an la siam lo a, mahse rinhlelh erawh an kai rei tawhin, sawi an nih mek laia inhaw lo taka an inzui lai hmuh tur a awm leh takah chuan an inzui nghet tawh hle niin report thenkhat chuan an tarlang.
Italy lama an thlalak thenkhatah chuan lawngah te chuangin hlim takin an inkai a, Wolff-a’n a fawp laite a awm nual bawk.
Wolff leh a unaupa Alex te chuan nikum khan Eilish hi tour neih puiin, heta tang hian sawi an kai tan a, anmahni lam erawh chuan thiantha mai an nih thu sawiin an pha nasa hle thung a ni.
Billie Eilish hian a hmain a hmangaihna zinkawng lam chu tumahin hre lo se a duh thu a lo sawi tawh thin a, tute nge a kawppui pawh midang hriat kher a tul loh thu a lo sawi tawh thin bawk. Tunah erawh a insum thei tawh rih lo ni berin a lang a, a kawppui nia sawi Wolff nen hian milar chanchin ngaihventute chaw tui ber an ni chho ta mek a ni.