Hriselna hi mitin mamawhna a ni a, kan hrisel chuan kan thothang a tha a, hnathawh a nuam a, thil engkim tih a nuamin, a zangkhai bik thin.
Hetih lai hian fur khua kan lut chho mek a, natna hrang hrang tam hun niin, chhiatna hrang hrang thlen duh hun a ni bawk. Hetiang hun hi mitin fimkhur a tul zual hun niin, kan hriselna mai bakah kan chhehvela chhiatna thleng theite thlenga kan enfiah uluk a tul hle.
Kan tui tlan ber Tlawng lui nu nasa em em maite hi vei tlang ila, kan bawlhhlawh leh leivung paih dan thlengin uluk a, a paihna hmun dik taka paih ching zel ila, kan ram hi i duat teh ang u.
Hriselna lamah pawh harhthar deuh deuh zel ila, a theih hram chuan ruahdo thlenga kan pumpelh hram hram zel pawh a tul hle. Lirthei ke hnih nei kan ngah tawh em em a, ruahsur vang lai pawha tlan tawk kan awm rengte hi ho viauin lang mah se, hriselna atan a tha ber em tih thlenga kan ngaihtuah peih a va ngai em.
Chhiatna a thlenin inpuitawn a, inhnem tawn thin hnam kan ni a, thenawmte tibuai hreh hnam kan ni bawk. Tunah erawh chungte hi a bo telh telh ta nia ngaih theihin thil kan ti ta fo mai. Inenfiah kan va ngai em.
He fur khuaah hian harh thar ila, ruahsur hnuaia kan chawlh hahdam diai diai laite hian kan hnam nunzemawi tak kha vawng a, zawm chho thar zual zel turin kan puanven i sawichhing ang u.