Inrinni tuk khan Sports & Youth Services Minister Lalnghinglova Hmar chuan Mizoram Badminton Centre, Zuangtui-ah 1st Mizoram Grassroot Badminton League 2024-2025 kharna hun a hmanpui.
Grassroot League final hi Badminton Association of India (BAI) vice president leh national badminton chief coach ni bawk, Pullela Gopichand leh Neelam Babardesai, Head of Sports, TATA Trusts te zin denchhen a neih a ni a. Category hrang hrang 11-ah inelna neih niin badminton grassroot centre kalpui tha leh coach ti thate hnenah chawimawina hlan a ni.
Sports minister chuan kum 2036-a India-in Olympic thlen a tumah Mizoram thalaite a tam thei ang ber an tel theih nan hma lak mek zel a nih thu sawiin, sports discipline hrang hrang zingah badminton chu Mizote tan India leh khawvel level-ah lan theihna a nih a rin thu leh Olympic-ah ngei pawh an inlan theihna a nih a beisei thu a sawi a. Tun dinhmunah pawh India aiawh tura H. Lalthazuala leh C. Lalramsanga te thlan an nih thu leh anmahni ang dinhmuna ding thei thalai chher chhuak thei dinhmunah Mizoram Badminto Association (MBA) chu a din mek thu a sawi.
Gopichand-a pawhin kum 1994-ah India badminton-in a hun tawn hniam ber a tawn thu sawiin, Commonwealth Games-ah pawh sorkar laipuiin player a tirh loh thu a sawi a. Chumi hnuah kalphung mumal tak nena coaching kalpui a nih thu te, kum 30 dawn a ral leh meuh chuan India in World No. 1 thleng phak pathum a neih thu te, World championship 15 a lak theih thu te a tarlang a. Mizoramah ngei pawh kum 2017-2018 inkar atangin kalphung mumal tak neia training kalpui tan a ni a, kum nga a liam deuh chauh a, Mizoram chuan India team-a tel thei player pahnih a neih thu leh India state dang atanga hetiang nei thei an awm loh thu a sawi.
Tunah hian Mizoramah district badminton association 13 a awm a, club 220-in affiliation tiin player 9,729-in club-ah registration an ti.
Grassroot centre 25 kalpui mek a ni a, chungah chuan training nei mek naupang 1,095 awmin mipa 694 leh hmeichhia 401 an ni a. Champhai leh Kolasib-ah elite centre a awm mek a, hengah hian player 27 (mipa 14 leh hmeichhia 13) an inzir mek a. Regional Competitive Training Centre, Zuangtuiah full time-a training nei mi 25 an awm mek bawk.
- Centre tha tehna:
1-na: Chhinga Veng Grassroot Centre
2-na: Saron Veng Grassroot Centre
3-na: Mission Veng Grassroot Centre
- Coach tha tehna:
1-na: Malsawmtluanga
2-na: Alex Vanlalruata & K. Vanlalhluzuala
3-na: Lalliankima
- Grassroot League Final result:
U-9 Boy’s Singles:
Champion: Laldinpuia, Bungtlang GRC
Runners up: Mesak Laltanpuia, Champhai GRC
U-9 Girl’s Singles:
Champion: Sarah Lalenkawli, Saron GRC
Runners up: Faith Rinmuanpuii, RUBC GRC
U-11 Boy’s Singles:
Champion: Lalmalsawma Lianhna, Mission Veng GRC
Runners up: Edward C. Lalruatsanga, Zotlang GRC
U-11 Girl’s Singles:
Champion: Lalruatkimi, New Serchhip GRC
Runners up: Rosalyn Lalmalsawmi, Tuikual GRC
U-13 Boy’s Singles:
Champion: Abraham Lalnunthara, New Serchhip GRC
Runners up: Samuel Laldinpuia, Mission Veng GRC
U-13 Girl’s Singles:
Champion: Lalnunhluni, Mission Veng GRC
Runners up: Lalthakimi, New Serchhip GRC
U-15 Boy’s Singles:
Champion: Zakariah Hussain, Lungdai GRC
Runners up: Timothy Vanlalpekhlua, Saitual GRC
U-15 Girl’s Singles:
Champion: T. Lalmuanpuii, Chhinga Veng GRC
Runners up: H. Zoremsiami, Kolasib GRC
U-15 Mixed Doubles:
Champion: Jonathan Lalruathlua Chawngthu & H. Zoremsiami, Kolasib GRC
Runners up: Dylan Vanlalhriata Sailo & Sarah Zonunsangi, Kulikawn GRC
U-13 Mixed Doubles:
Champion: Abraham Lalnunthara & Lalthakimi, New Serchhip GRC
Runners up: Samuel Laldinpuia & Lalnunhluni, Mission Veng GRC
U-11 Mixed Doubles:
Champion: Jason Hmingmawizova & Ruby Zomvanghoih, Mission Veng GRC
Runners up: Lalmalsawma Lianhna & Ramdinmawii, Mission Veng GRC