AZL: Mizoram Pradesh Congress Committee (MPCC) chuan nimin khan Congress Bhavan-ah chhung inkhawm an nei a. Thusawitu, ADCC General Secretary Vanhnuaithanga chuan ZPM sorkar chu nuhrawn sorkar ang chauhin chhungkaw then darhna siamtuah a puh.
Vanhnuaithanga chuan, “Kan sorkar hrawn mek hian ram tana Congress-in thil tha kan lo tih tawh tam takte engtin nge tihral ka tum ang tiin mi thil tha tih tawhte tihboral dan thiam chauh niin ka hria,” a ti.
ZPM sorkar chu nuhrawn sorkar ang chauhin chhungkaw then darhna siamtu an ni tih sawiin, “Political party ang pawha chanchin kan hriat ngai loh kan hria a ni. Tun sorkar hian dik leh tha famkim nih an tum ngar ngar a, an chet chhiatna pawh han sawi ila insawi fiah tum hian an phesek,” tiin, sorkar khalh ngil tura eptutena an sawi pawh hmalak ai chuan insawi fiah tumin hma la zelah a puh.
“Congress chu dinna nghet tak neia a din tlat thin avangin mipuiin anni nge nge an ti,” a ti bawk.