Aizawl: June 16 tlai khan Lok Sabha MP Richard Vanlalhmangaiha chuan Ministry of Tribal Affairs Secretary, Vibhu Nayar chu New Delhi-a a pisaah kawmin, Mizoram tana hmasawnna awm thei tur thilte leh zirlai scholarship chungchang a sawi pui.
MP chuan Mizoram state chu a bik taka enkawl ngai an nih thute sawiin, zirlai ten kum tina an dawn thin Tribal Scholarship kal tlai thin chuan zirlaite tan harsatna tam tak a siam thin thu a sawi a. A hun taka zirlai ten scholarship an hmuh theihna tura theihtawpa hmalakpui turin Nayar a ngen.
MP Richard-a hian Mizoram chu tribal ram a nih avangin, tribal affairs ministry chu an ta neih bik hle thu a sawi bawk a. A bik taka Mizoram chu enkawl a, state hmasawnna hna mai bakah a chhunga cheng mihring thlenga hmasawnna kawng awm thei hrang hrang ngaihtuahpui turin a ngen bawk.
Tribal affairs secretary chuan zirlai scholarship chungchangahte leh hmasawnna kawng awm thei kawng hrang hrangah theihtawp alo chhuahpui tur thu MP a hrilh a. Tribal Affairs Ministry hnuaia project leh scheme hrang hrang awm theite lo hrilhin, project te pawh a tam thei ang ber siam turin a lo hrilh bawk.