Aizawl: Social Welfare Minister Lalrinpuiin zirlai naupangte ruihhlo laka an fihlim theih nan zirtirtuten mawhphurhna lian tak an neih thu a sawi.
Ningani khan Social Welfare Department leh School Education Department tangkawpin ‘Drug Abuse Prevention Programme for Middle School Teachers’ chu Lianchhiari Run-ah a buatsaih a. He huna khuallian Minister Lalrinpuii chuan Mizoramah kum naupang tetea ruihhlo khawih an tam ta hle chu lungchhiatthlak a tih thu sawiin, zirlai naupang zingah pawh ruihhlo hman sualna laka fihlim tura zirtirna pek a pawimawh takzet thu a sawi.
Lalrinpuii chuan zirlai naupangte chu an hun tam zawk school-a hmang an nih avangin, zirtirtute’n naupang nunah hmun pawimawh tak an luah tih a sawi a. Naupangte ruihhlo laka an fihlim theih nan zirtirtute’n mawhphurhna lian tak an neih thu a sawi a. Zirna ina thawktu hrang hrangte chu zirlai naupangte entawn tlaka an nun an vawn uluk a pawimawh thu sawiin, zuk leh hmuam thleng a an insum a tul thu a sawi.
He hunah hian Social Welfare department-a Addl Secretary Lalnunhlua’n thupui a sawi hawnh a ni.