Rilru hrisel leh thianghlim a neih theihna turin hunbi nei taka taksa insawizawina a kalpui thin a, pressure nasa tak chhawk zangkhai nan pawh a hmangtangkai hle niin zaithiam lar Elllie Goulding chuan a sawi.
Kum 38-a upa hi rilru lama chian lohna leh buaina (anxiety & panic attacks) nasa tak nei thin a ni a, rimawi khawvela a zuanluh hnu khan pressure nasa tak vangin 2016 chho ah a talbuai hle a, concert neia a zinkual reng bawk vangin a chau tawngkhawng a, rei tak enkawlna a la zui nghe nghe.
Zai chawlhsan ti tih a, enkawlna a lak lai hian In lam gym-ah a kal tluk tluk a, chu chuan nasa takin a pui tih a hmuchhuak. Hunbi nei taka exer lak a nih hian rilru hriselna leh thianghlimna kawng a thlenpui tih a chiang a, a lungphu ran dan pawh a tâwk chho hle. Amah pawh a in in fit a, tisa leh thlarau lamah pawh malsawmna a dawng.
Ellie Goulding chuan, “Pressure umbo nan exer ka la nasa hle a, hemi hnu hian nun awmze nei ka hmang chho va, exer lak hian keimahah chuan malsawmna hrang hrang a rawn thleng zut zut,” a ti.