AZL: Sorkar laipui mi pawimawhte nena thil chi hrang hrang sawiho tura BRICS Forum aiawha India rama zin, Russia MP Dmitry Kuznetsov chuan Lok Sabha MP Richard Vanlalhmangaiha chu New Delhi-a a chenna inah a kawm.
Nilaini tlaia an inkawmnaah Mizoram MP chuan Mizo thalaite Russia rama hna an thawh ve theihna tur kawngte zawn pui a, theihtawp chhuanpui turin Russia MP a lo ngen.
Russia MP pawhin Mizoram chu a rawn kal leh huna tlawh ve ngei a duh thu leh kawng chi hrang hranga hma lakpui a inhuam thu a hrilh bakah, September thla laihawia Brazil khawpui Rio Di Janeiro-a BRICS Forum Convention neih tura tel ve turin Mizoram MP a sawm.