Aizawl: Assam Rifles leh Excise & Narcotics Department, Champhai tangkawp chuan joint operation an neihnaah heroin eng emaw zat an man.
AR tarlan danin, Excise Department nen hian an thudawn bawhzuiin June 20, 2025 khan joint operation an nei a, Champhai Zotlang huam chhungah hmeichhe pahnih hnen atangin heroin hawng 13 (gram 161.200) an man. Heroin an man hi Rs vbc. 1.209 hu nia chhut a ni.
Hmeichhe pahnih hi Excise & Narcotics Department, Champhai in kawlin, dan angin an chhui chhunzawm ang. AR-te hian hmeichhe pahnih hming leh nihna an tarlang lo.
Zirtawpni vek khan Assam Rifles leh Mizoram Police, Zokhawthar, Champhai te’n an thudawn bawhzuiin, Melbukah dan lova pawisa tawlhruk rs. 21,88,500 chu Bolero Pickup (MZ01 AD 4921) atangin an man. An pawisa man leh a phurhna lirthei te chu AR chuan Champhai Police hnenah chhui chian leh dan anga kalpui turin an hlan.