AZL: Mizoram sorkar, Mizoram Synod leh tlawmngai pawlte tangho buatsaih, Hulhliap Short Stay Centre Batch 1-na chu Synod Revival Camping Centre, Neihbawih Sihphir-ah nimin atangin kalpui tan a ni.
Synod Revival Department, Director, Rev. JC Lalramliana kaihhruaiin, Synod Revival Camping Centre Chapel-ah Pathian hnena Hulhliap Short Stay Centre hlenna inkhawm neih a ni a. Mizoram Synod Executive Secretary Rev. Dr. K. Lallawmzualaân pathian hnenah a hlan.
Inkhawmah hian Social Welfare Minister Lalrinpuii chuan thu sawiin kohhran leh tlawmngai pawlte chungah lawmthu a sawi a. Hulhliap Short Stay Centre hian an unau ruihhlo bawiha tang mekte tan nun thar an neih theihna hmun a nih ngei theihna turin tawngtainaah an hriat zui zel a pawimawh tih a sawi.
Hulhliap Core Committee Chairman Malsawmzuala Ralte leh Hulhliap Core Committee Member Secretary Dr. Lalhriatzuali Ralte te pawhin thu an sawi bawk.
Central YMA kaihhruainain Central YMA Office, Tuikhuahthlang leh Bawngkawn YMA Hall atangin bus-in Hulhliap Short Stay Centre a awm duhte chu phurh chhoh an ni a. Mi 150 chuang batch 1-na atan lak phawt a ni.