Aizawl: Mizoram Board of School Education (MBSE) chuan nimin khan Higher Secondary School Leaving Certificate (HSSLC) leh High School Leaving Certificate (HSLC) Compartmental & Improvement Exam results a tichhuak.
HSSLC compartmental exam arts subject-ah zirlai 59-in exam beiin, mi 12 an pass a, pass percentage chu 20.34% a ni.
Science subject-ah zirlai 13-in exam hmachhawnin, mi pasarih an pass a, pass percentage chu 53.85 a ni. Commerce subject ah mi pariatah pali an pass a, pass percentage chu 50.00 a ni.
Heti hian HSSLC, 2025 a pum puiah zirlai 12,281 exam-ah zirlai 9,850-in an pass a, compartmental exam result chhuah hmaa pass percentage 81.10% atangin 81.37%-ah chho a ni.
HSSLC improvemental exam-ah arts subject-ah mi 12 ah mi paruk improved an ni a, science subject ah zirlai 14 exam zingah paruk improved an nei. Commerce subject-ah zirlai pathum exam hmachhawn nawn te’n improved results an nei thei lo thung.
HSLC compartmental exam results-ah hian zirlai 58 atangin pass 26 an awm a, pass percentage hi 44.83 an ni a, improvemental examah mi pahnih exam-ah an pass ve ve a, pass percentage hi 100 a ni.
Heti hian HSLC 2025 exam result pumpuiah zirlai exam 19,303 zingah zirlai 14,558 an pass chhuak a, pass percentage 76.68 atangin 76.84-ah a chho a ni.