Mizoram chhunga inkalpawhna kawngpui hrang hrang a la tha hlei thei lo a, buaina bul ber a la ni reng.
Ruahtui tlak hmaa siam theih nimahse ngaihsak a hlawh ngai lo a, a chhiat hnuah sorkar auh ngai khawpin a awm ta thin. Kan ram hi a dam mawlh lo chu a ni.
Mizoram mamawh chawkluhna pawimawh tak Vairengte leh Aizawl inkar kawng a la chhe reng a, Truck neitu intelkhawm lamin nawrh tumin, May ni 23 atang khan tlan loh an tintuah a, sorkar in siam a tum avangin an nawrh tum an thulh. Mahse, vawiin thlengin kawng hi a la chhia a, harsatna pawh a ngai reng a la ni.
Mamit district khawthlang lam pawhin harsatna hi tawk nasain, a bik takin Hachhek tlangdung panna Darlak leh Tuidam inkar kawng a chhe hle.
Nitin mamawh phurtu lam tan chetsual a hlauhawm a, balu phur lirthei lian an tlan reng bawk avangin chhiatna nasa zawk thleng thei reng a ni bawk. Sorkar lam atangin siam tumna thawm a awm hriat a la ni lo a, lirthei tlanna kawng dang tha a awm miau loh avangin a kal loh theih bawk si loh. Zin veivakte an khawngaihthlak tak zet.
Hei hi kan ram a ni. Kan duat a, kan dim viau chung hian sorkar in a mipuite a ngaihsak miau thin loh avangin harsatna kan tawk leh thin. Chhantu kan ngai ta hle a ni e.